A Tasca

Ubicado na zona nobre do pazo, conta cunhas vistas privilexiadas ao Rebolo da Pena, o carballo rebolo máis alto de Galicia.

Xurdiu coa idea de tentar reproducir con estilo e elegancia un dormitorio que entroncase co pasado, e así crear un cuarto diferente e especial dentro de todo o conxunto da casa.

Para iso, escolleuse un papel de parede que evocase ás paredes das antigas casas, combinándoo con dous dos mobles máis valiosos que había orixinalmente no pazo: a cama e o toucador, feitos de madeira de castiñeiro e de nogueira, respectivamente.

En contraste, conta cun colorido baño e cunha fiestra abalconada que nos ofrece unha inmellorábel panorámica do carballo rebolo máis grande de Galicia, o Rebolo da Pena.